Marlen Bojurna ku ji bo tatîlê ji Norwecê hatibû Antalya, biryar da ligel Ferman Abî yê Şirnexî ku li otêla ew lê dima kar dike bizewice. Şahiya Bojurna û Ferman li quntara Çiyayê Katoyê hat kirin.

Ferman Abî (26) 13 sal berî niha li Antalyayê bi cî bû û li otêla merivekî xwe dest bi kar kir. Ferman 3 sal berî niha Marlen Bojurna ku ji bo tatîlê ji Norwecê hatibû nas kir û pê re bû heval.

Her du hevalan piştî demekê xwestinbi hev re bizewicin û bi razîbûna malbatên xwe biryar dan ku li gundê Cevîzagaça li quntara Çiyayê Kato ya ser bi navçeya Beytuşebabê şahiya xwe bikin.

Diya Bojurna, Arne û bavê wê John jî keça xwe di vê roja girîng de tenê nehiştin û ji Norwecê ji bo şahiyê hatin gundê Cevîzagaçê. Şaredarê Beytuşebabê Yûsûf Temel, malbatên mezin yên herêmê û xizmên wan hatin şahiyê û daweta wan bi qasî du roj û du şevan berdewam kir.

Kesên hatibûn şahiyê li gor kevneşopiyan xelat bi bûk û zavê ve kirin. Di şahiyê de dê û bavê bûka Norwecî 85 hezar lîre pere bi bûk û zava ve kir û bi tevahî 255 hezar lîre pere wek xelat dan wan. Bûka Norwecî û zavayê Şirnexî gotin gelekî kêfxweş in û zewaca li quntara Çiyayê Katoyê hestekî pir xweş e. Bûk û zavê malavahiya vexwendiyan kirin û piştî şahiyê vegeriyan Antalya.

AA

Basnews