Encûmena Hevkariya Civakî ya Îranê Seyîd Hesen Mûsewî derbarê rêjeya xwekuştinê de got: ‘’Rêjeya xwekuştinê li herdû parêzgehên Îlam û Kirmanşah gelekî zêdetir e ji ya cihên din.’‘

Hesen Mûsewî wiha axifî: ‘’Li wan herdu parêzgehan jin bi rêya xweşewitandinê dixwazin dawî li jiyana xwe bînin û xwekuştin di nav jinên Îranê de zêdetir e ji ya mêran. Herwiha ji her sed hezar Îraniyekî 7 kes xwe dikujin.’‘

Li gor nûçeyeke Ajansa Hemşehr a Îranê ku li ser zarê Mûsewî belav kiriye, meseleyên kulturî sedemên serekî yên xwekuştina keçên Kurd e û nakokiyên nav malbatê û hevser jî jinan teşwîq dikin daku xwe bişewitînin.’‘

Li Rojhilatê Kurdistanê xweşewitandina jinên Kurd bûye wek diyardeyekê û gelek jinên Kurd bi xweşewitandinê dawî li jiyana xwe tînin.

Basnews