Şahciwana Kurdistanê Şênê Ezîz bi helkefta nêzîkbûna cejna Remezanê kincên kurdî û alîkariyên darayî wek cejnane bi ser hinek zarokên bajarê Kerkûkê yê başûrê Kurdistanê de belav kir.

Şahciwana Kurdistanê Şênê Ezîz, li roja (05.08.2013) serdana bajarê Kerkûkê kir û bi helkefta cejna Remezanê li salona Life City ya bajêr kincên kurdî û alîkariyên darayî da hinek zarokan.

Derbarê vê çalakiya xwe Şênê ji Rûdawê re axivî û diyar kir ku wê dixwest serdana Kerûkê bike û bi nêzîkîbûna cejna Remezanê ev derfet jê re peyda bû û cejnane pêşkêşî zarokan kiriye.

Bedewa Kurdistanê her wiha ragihand ku çalakiya wî ya îro gelekî girîng bûye çimkî kariye serdana Kerkûkê bike û zarokên bajêr dîtiye. Şênê hêviya xwe anî ziman ku bikaribe cardin serdana bajêr bike.

Şênê Ezîz da zanîn ku bi dîtina wan zarokan ew dixwaze projeyên baştir bo zarokan pêşkêş bike çimkî ew hêjayî hemû tiştek bedew in.

Rudaw