Mesrûr Barzanî: Ez spasiya pêşwaziya germ a Qiral Ebdilayê dûyemîn dikim
Serokwezîrê Herêma Kurdistanê ragehand, “Em bi Qiral Ebdilayê duyemîn re civiyan û me behsa pêşxistina peywendiyên navbera Herêma Kurdistanê û Urdinê kir.”
Serokê Hikûmeta Herêma Kurdistanê Mesrûr Barzanî îro 19.01.2025 bi serdaneke fermî gehişt Emana paytexta Şahnişîna Urdinê û bi Şahê Şahnişîna Urdinê Rêzdar Qiral Ebdilayê Duyê re civiya.
Serokwezîrê Herêma Kurdistanê li ser hisaba xwe ya tora civakî ya Xê ragehand, “Ez spasiya pêşwaziya germ a Şahê Şahnişîna Urdinê Rêzdar Şah Ebdilayê Duyê dikim.”
Mesrûr Barzanî herwesa got, “Me bi hev re behsa pêşxistina peywendiyên bihêz ên navbera Herêma Kurdistanê û Urdinê û bicihanîna aştî û seqamgiriyê li Rojhilata Navîn kir.”
Basnews
