Nûnerê taybet ê Serokê Rûsyayê ji bo Sûriyê Aleksander Lavrentiev ragihand, heta niha şert û mercên hevdîtina serokên Sûriye û Tirkiyê Beşar Esed û Receb Teyyip Erdogan pêk nehatine.

Lavrentiev di hevpeyvînekê de ligel ajansa “TASS” got, pêwendî di çarçoveya çaralî de, di navbera wezaretên berevaniyên yên Rûsya, Tirkiye, Sûriye û Îranê de hene û dewam dikin, lê hîn zû ye ew ku behsa hevdîtina Esed û Erdogan bikin.

Daxuyaniyên Lavrentiev piştî gera bîst û duyemîn a civînên Astanayê yên li ser çareseriya Sûriyê li paytexta Kazaxistanê hatin û tekez kir, heta niha şert û mercên hevdîtina Esed û Erdogan pêk nehatine.

Ev yek di demekê de ye, Serokê Tirkiyê Receb Teyyip Erdogan duhî ragihandibû, ew hîn jî hêvî dike ku bi Beşar Esed re bicive û bi hev re pêwendiyên Tirkiye-Sûriyê sererast bikin.

Pêştir jî Erdogan amadebûna xwe ji bo hevdîtina bi Serokomarê Sûriyê re piştrast kiribû û diyar kiribû ku ew li benda bersiva Şamê ye.

 

Basnews