Partîya Welatparêzên Kurdistanê (PWK) yeksalîya xwe, li Amedê bi şeveke girseyî pîroz kir.

Şeva pîrozbahîyê bi pêşkêşvanîya Serokê Meclîsa PWK Ewropayê, Merd Baran Boskan birêve çû. Merd Baran Boskan, bi xêrhatina beşdaran kir û pîrozbahî, li gel sirûda neteweyî Ey reqîbê, bi rêzgirtina ji bo şehîdên Kurdistanê detpê bû.

Paşê endamê Meclîsa Partîyê ya PWKyê Mehmet Selîm Ûzûn di derbarê bîr û bawerî û rol û girîngîya PWKyê de bi zaravayê kirdkî/zazakî axaftinek kir. M.Selîm Ûzûn, bi taybetî bal kişand xisûsîyeta PWKyê ya ku di kongreya damezrandinê ya PWKyê de jî, di vê şeva yeksalîya PWKyê jî me axaftina yekem bi zaravayê kirdkî yê kurdî destpêkirîye. Herweha, bal kişand ser hişmendîya PWKyê ya ku hemû pêkhateyên Kurdistanê wek xwedîyê Kurdistanê qebûl dike û divê di rêveberîya Kurdistanê de îradeya wan bê qebûl kirin.

Piştî axaftina M.Selîm Ûzûn, Serokê Giştî yê PWKyê Mustafa Ozçelîk, pastaya yeksalîya PWKyê birî û bi zaravê kurmancî yê kurdî, di derbarê, pêvajoya damezrandina PWKyê û girîngîya PWKyê ya di meşa yekitîyên rêxistinî û sîyasî de agahdarî da, nêrînên PWKyê yên di derbarê hevkarî û tifaqên stratejîk yên kurdistanî, hevxebatên ji daxwazên acîl ên miletê kurd, di derbarê têkoşînên li Başûr, Rojava û Rojhilatê Kurdistanê, di derbarê gengeşîyên li ser Qanûna Bingehîneke nû ya Dewleta Tirkîyeyê, girîngîya axaftin û fêrbûna zimanê kurdî û rewşa giştî ya Rojhilata Navîn de bîr û bawerî û sîyaseta PWKyê anî zimên.

Şeva pîrozbahîya yeksalîya PWKyê bi muzîka hunermendê kurd Sebahatîn Xoce û hunermendê kurd Îrfan Kureken bi coşeke mezin derbas bû.

Gelek partî û grûbên sîyasî û dezgehên sivîl , sîyasetmedar, rewşenbîr, hunermand û kesayetên kurd, Kurdistanî beşdarî şevê bûn, gelek kesayetan bi mesajên xwe, pîrozbahîya yeksalîya PWKyê kirin.

Ev partî û grûbênsîyasî û dezhegên sivîl  beşdarî şahîya yeksalîya PWKyê bûn:Serokê Giştî yê HAK-PARê Düzgün Kaplan û heyeta HAK-PARê, Serokê Giştî yê PSKyê Bayram Bozyel û heyeta PSKyê, Cîhgirê Serokê Giştî yê PDKTyê M.Şirin Ozbek û heyeta PDKTyê, Rêvebirên PÊLKURDê Koroglu Karaslan û Halûk Gokalp, Nûnerê PDK-Bakur Ali Aydin û heyeta PDK-Bakur, Berpirsê Li Tirkîyeyê û Bakurê Kurdistanê yê Partîya Demokrat a Kurdistana Surîyê Û ENKSyê Müslüm Mihemed û heyeta PDKS û ENKSyê, Berpirsê Tevgera Avakirina Demokratîk a Kurdistanî-Sûrîye Mehmûd Remo û heyeta partîya xwe, Berpirsê  Partiya Yekitîya Kurdistanî-Surî  Suleyman Îzgî, Berpirsê Partîya Demokrat a Pêşverû ya  Kurdî Li  Sûrîyê Şêxmûs Hemo, Serokê Giştî  yê PDK KURD Reşît Akıcı, Endamê Komîteye Birevebir a Partîya Însan û Azadî M.Şah Bîten û heyeta PİAyê, Nûnerê KKPyê Kendal Şîmşek û heyeta KKPyê, Cîhgirê Serokê Giştî yê DDKDyê Abdulhay Okumuş û heyeta DDKDyê, Serokê Platforma Ciwanên Serbixwe Ferît Azad û heyeta PCSyê, Endamê Komîteye Birevebir a Partîya Însan û Azadî M.Şah Bîten û heyeta PİAyê, Partîya Azadî, Serokê Komeleya Ahmedê Xanî, Saît Temel û heyeta Komeleya Ahmedê Xanî, Serokê Cemîyeta Rojnamevanan a Anatolîyayê Cemîl Aydogan, Komeleya Nûbihar, Heyeta İnsîyatîfa Hefsa 5 Nolûyê, Berpirsê THİVê Mûrat Aba, DESOP, Serokê Komeleya Eşîra Metînan Aydin Pîrînçoğlu, Komeleya Teqawîdan a Batmanê, Odeya Zîreetê ya Navçeya Yenîşehîrê ya Amadê.

Partî, dezgeh û kesayetên ku peyamên pîrozbahîyê şandin: Serokê Partî Demokrat a Kurdistan a Sûrîyê (PDKS) Îsmaîl Mihemed Îsmeîl, Meclîsa PWK Ewropayê, PWK Komîteya Anatolîya Navîn,  KOÇ-KAK, Kemal Bûrkay, Mesût Tek, Şêx Baha Mûtlû, Mûrad Ciwan, Osman Aytar, Selahattîn Bûlût, Zîya Avci, Rûşen Aslan, Rahîme Karakaş, Şerefxan Cizîrî, Necip Yeşil,  Dr.Engîn Yilmaz, Bedîrxan Epozdemîr, Salihê Omerî, Mustafa Kalhan, Ahmet Acar, Fevzî Bîlge, Hatîp Arslan, Fesîh Mercan, Mihemed Sanri, Farûk Amadî.

Buroya Ragehandinê ya Partîya Welatparêzên Kurdistanê (PWK)

 

Basnews