Rojnameyeke nêzîk İsraîlê aşkera dike, ew amûrên ku Hizbulaha Lubnanê ku bi endamên wan de diteqin, pêştir bi rêya emîndarê grupa Esayîb Ehlî Heq Qeys Xez Elî ve hatine kirîn û ji bo Lubnanê hatine şandin, lê berî ku li ser endamên Hizbulahê bên dabeşkirin, İsraîlê amûrên wan guhertine.

Mehdî Mecîd, rojnamevan û nivîskarê Iraqî ku çend carekî serdana Iraqê kiriye û xwe nêzîkî İsraîlê dinasîne, di nivîseke xwe ya li hejmara xwe ya tora civakî Xê de hûrgiliyên girêbesta kirîn û şandina bi hezaran amûrên cura Pager aşkera dike, ku di destê endamên hizbulahê de bi hezaran hatine teqandin.

Ew rojnamevan di girte vîdeoyekî de aşkera dike, ku beriya 6 mehan, hizbulaha Lubnanê bi rêya Qeys Xez Elî, Emîndarê Grupa Esayîb Ehlî Heq ku grupeke milîsên Iraqiye, zêdetir jî 3000 amûrên pagerên pêywendî kirinê a bêtêl, bikre.

Li gor gotina wî rojnamevanî, ew amûr ji bo Iraqê hatine şandin û nirxê her yek ji wan jî 250 dolarê Amerîkî bûye, piştre li Iraqê ve gehandine bendereke li Lubnanê û got, ‘’İsraîlê kariye bi rêya ajanên xwe dest dayne ser wan amûran û biguhere di aliyekî din yê pagerê ku berê teqemenî tê de hatiye çandin.’’

Herwaha got, ku zêdetir ji 2 mehane ku ew amûr li enbarên hizbulahê hatiye hilgirtin û beriya 2 hefteyan li ser endamên hizbulahê hatine dabeşkirin û diyar kir: ‘’Ewên ku proseya kirîn  û gehandina amûrên wan ji wan re rasipardibûn, 3 kes bûn û navê wan jî evîn: Cevad Hesen Nesrulah, Elî Hemye û Mihemed Zeîter e.’’

Her wî rojnamevanî berê ew aşkera kir ku İsraîl zêdetir ji 12 hezar ajanûn xwe di nav Lubnanê de heye û karên sîxortî bo wan dikin.

 

Basnews