Fîlma ‘Xaniyek nêzî tavê’ li Îtalyayê xelat wergirt
![Fîlma ‘Xaniyek nêzî tavê’ li Îtalyayê xelat wergirt](https://gulanmedia.com/public/images/posts/20240820101422_original_6.jpg )
Fîlma Kurdî ya bi navê "Xaniyek nêzî tavê" li Îtalyayê xelat wergirt.
Meryem Semediya ji Rojhilatê Kurdistanê û Ronî Şamliyan ê ji Rojavayê Kurdistanê derhêneriya fîlma "Xaniyek nêzî tavê" kiriye.
Ronî Şamliyan ji bajarê Kobaniyê ye û Meryem Semedî jî ji bajarê Urmiyeyê ye.
Fîlma wan li Festîvala Fîlmên Navneteweyî ya Farayê ya Îtalyayê xelata baştirîn fîlmê wergirt.
Fîlma "Xaniyek nêzî tavê" behsa çîroka terziyekî Kurd ê li bajarê Kobaniyê dike.
Dema ku DAIŞ êrişî Kobaniyê dike, ew terziyê Kurd razî nabe ji mala xwe derkeve û koçber bibe.
Her dem hêviyek li ba wî dimîne ku kesên li cem wî cilên xwe didirûn û mişteriyên wî dê vegerin cem wî.
Mêvanên wî jî li mala wî hene û hemûyan xwe li wê derê veşartine.
Rojekê ew terzî diçe bazarê ji bo hinek xwarin bîne.
Dema ku vedigere, dibîne ku çekdarên DAIŞê êrişî mala wî kiriye û mêvanên xwe jî nabîne.
Fîlma "Xaniyek nêzî tavê" li Rojhilatê Kurdistanê hatiye girtin û li gelek welatan hatiye nîşandan.
Rudaw