Hunermend Mistefa Rencero koça dawî kir
Hevalê hunermend Rencero, Seyîd Ehmed Rewanduzî ji Rûdawê re ragihand; “Mistefa Rencero nexweşê gurçikê bû. Demekê li Misirê çareseriya pizîşkî dît û vegeriya Kurdistanê. Rencero ji ber vê nexweşiyê xwatir ji me xwest û jiyana xwe ji dest da.”
Rewanduzî got; “Mistefa Rencero di salên 1980an de dest bi karê hunerê û mûzîkjeniyê kiriye. Wî demekê dirêj mûzîkjeniya hunermend Ziyad Eshed kiriye.”
Mistefa Rencero di heman demê de xwendekarê qonaxa 3 ya Koleja Hunerên Ciwan ê Hewlêrê û fermanberê Rêveberiya Kelepûra Kurd bû.
Rencero weke hunermend li seranserê Kurdistanê beşdarî gelek çalakiyên hunerî bûye.
Rudaw
