Navenda Çand û Hunera Vejîn îsal xelata salane ya kesatî ya Beriya Zêrîn, da jenyar û stranbêja kurda Xurasanê Yelda Ebasî.

Li bajarê Merîwana Rojhilatê Kurdistanê, di Şeva Yelda de, ji aliyê Navenda Çand û Hunera Vejîn ve rêwresmeke taybet hate sazkirin.

Ji Îlamê hate Makoyê, nivîskar, helbestvan û çalakvananên çandî û hunerî yên Rojhilatê Kurdistanê jî di rêwresmê de amade bûn.

Di rêwresmê de xelata salane ya Beriya Zêrîn a ku didin kesayetên hilbijartî yên Rojhilatê Kurdistanê, îsal dane jenyar û stranbêja kurda Xurasanê Yelda Ebasî.

Yelda Ebasî xelata xwe ji destê nivîskar û dîroknasê navdar ê kurd Kelîmûllah Tewahûdî wergirt.

Tewahûdî di dema dayîna xelatê de got; “Ev xelata gelê Kurdistanê berpirsiyariyeke mezin dixe ser milê vê hunermendê.”
Piştî wergirtina xelatê Yelda Ebasî jî ragihand, ku ew dê zêdetir li ser pêşxistina kiltur û hunera kurdî kar bike.

Di rêwresmê de herwiha xelata hevnîştimaniya salê ya bajarê Merîwanê dane çalakvanê jîngeparêz Şerîf Bacwer.

Navenda Vejîn 6 sale xelata Beriya Zêrîn dide kesên ku roleke bihêz di pêşxistna çand û hunera kurdî de lîstine.

Rudaw