Hunermenda stranbêj a ji Rojhilatê Kurdistanê Şehîn Talebanî konsertekê li Başûrê Kurdistanê saz dike û dahata wê konsertê jî dibexşe malbata şehîhên riya Kurdistanê.

Şehîn Talebanî ku hunermendeke Rojhilatê Kurdistanê ye, dê li bajarê Kelar ê Başûrê Kurdistanê konserteke mûzîkê saz bike.

Seroreştê konsertê, Renc Kawe Mihemed di daxuyaniyekê de ji Rûdawê re ragihand: “Ev konserta Şehîn Talebanî weke erekeke niştîmanî ye û bo piştgiriya pêşmerge û malbata şehîd û birîndaran e.”

Renc Kawe Mihemed herwiha got, konsert rê roja 6ê mehda 12 a îsal li salona merasîman a Kelarê were lidarxistin.

Serpireştê konserta Şehîn Talebanî tekez kir: “Ji niha ve bilêtên (tîketên) vê konsertê li cihên giştî yên Kelarê bi 10 hezar dînarên iraqî tên firotin û dahata wê jî ji malbatên şehîd û birîndaran re tê veqetandin.”

Herwiha biryar e êvariya roja şemî 3ê meha 12 a îsal Rêveberiya Giştî ya Rewşenbîrî û Hunerî ya Silêmaniyê bi hevkariya koma mûzîk a Suhrewerd, konserteke mûzîk û stranbêjiyê bo hunermend Şehîn Talebanî saz bike, ku ew konsert jî dê li salona Huner a Silêmaniyê birêve biçe.

Dê di wê konsertê de 12 stran ji aliyê Şehîn Talebanî ve bihên pêşkêşkirin.

Rudaw