Fîlma anîmasyon a kurdî “Cango û Mango (Jango and Mango)” dê li Festîvala Fîlmên Anîmasyon a Navneteweyî Uruguayê were pêşkêşkirin.

Derhênerê fîlma Cango û Mango Rafid Cerah ji Rûdawê re diyar kir, fîlma wî dê îsal beşdarî Festîvala Fîlmên Anîmasyon a Navneteweyî Uruguayê bibe.

Rafid Cerrah wiah got: “Fîlm bi kurdî ye, lê ne li ser navê Kurdistanê, li ser navê Almanyayê beşdarî festivalê dibe. Sedema vê yekê jî çêkera fîlmê Almanyayê.”

Cerrah destnîşan kir, mijara fîlma wî şerê kurdan ê li Başûrê Kurdistanê û Rojavayê Kurdistanê yê li dijî DAIŞê ye.

Derhênerê fîlma Cango û Mango herwiha anî ziman, ew şer bi eslê xwe ne şerê kurdan e, şerê tevahiya welatên cîhanê ye.

Rudaw