Ciwanên Kurd di 19.01.2014’an de li welatê Swêdê kampanyayek bi navê “ Ez Kurdistanî Me” dan dest pê kirin. Di çarçoveya kampanyayê de rûpelek hatiye amade kirin û cih dide wêneyên kesên ku di destên wan de rûpelên nivîsa “Ez Kurdistanî Me/ Min Kurdistanîm” hatine bilind kirin.’‘

Di danasîna rûpelê de wiha hatiye nivîsîn: ’’Ev şêwazê xebatê pir asan e lê ligel asanbûnê pêwîstî bi hînek qanûnan heye, em hêvî dikin ji bo Kurdistaneke bê sînor hûn qanûnan berçav bigirin. Hûn dikarin wêneyê xwe bikşînin û li ser kaxezekî navê bajêr yan gundê xwe binivîsin’’.

Rêkxerên kampanyayê du ciwanên Kurd, Mêhvan Gare û Heyam Çetinkaya ne. Wan armanca xwe ya rêkxistina kampanyayê yekbûna hemû Kurdan û take cudahiya wan di navbera wan de gund û bajarên beşdaran daye zanîn.

Heta niha gelek nivîskar, hunermend û rewşenbîrên Kurd bi wêne nivîsa ’’Ez Kurdistanî me/ Min Kurdistanîm’’ beşdarî kampanyê bûne lê beşdariya sîyasetmedar û partîyên sîyasî ne berçav e.

Basnews