Muzîkzanî Kurd Erselan Kamkar, le nivîsîngeha muzîka wezaretî Ferheng û Îrşadî ya Îranê, jêre rêz hate girtin.

Bo rêzgirtin le temenêk xizmet û hewill û têkoşan le biwarî ferheng û hunerî muzîkda, heryek le Erselan Kamkar, Seydrreza Almî û Mistefa Munferd Menîş, le nûsîngey muzîkî wezaretî Ferheng û Îrşadî Îslamîy Îran le şarî Raran rêzyan lênra.

Rêwrresmî rêzgirtin le 30 sall xizmetî hunermendanî pêşengî muzîk be amadebûnî berrêweberî nûsîngey muzîkî wezaretî ferheng û îrşadî Îran Elîrreza Paşayî, endamî destey berrêweberayetîy mallî muzîkî Îran Dawud Genceyî berrêweçû.

Lem rêwrresmeda Elîrreza Paşayî, wêrray supas û pêzanîn le pêşengekanî biwarî muzîkî Îran, rêz û supasî xoy arastey ew hunermendane kird û hîway xwast le dahatûda ezmûne karîyekanî ewan leber çaw bgîrêt.

Paşayî eweşî rageyand: ew tabloy rêzlênaney ke be êwe pêşkeş dekrêt, be manay xanenşînî nîye. Komellgay ferheng û huner xanenşîn nabêt û le dahatûda kellkî zyatir le êwe werdegîrêt.

Dawud Genceyî lem rêwrresmeda gutî: min le layen 15 hezar endamî mallî muzîkewe supasî mandûbûnî ew mamosta pêşengane dekem ke le mawey sallanî rabrûda beşdarîyekî çalakyan le orkistrra corawcorekanda lewane orkistrray semfonîkî Taran hebuwe.

Gutîşî: hunermend momêkî dagîrsawe, heta çaw leser yek dadenên sûtawe. Lêreda dawa le wezîrî ferheng û îrşadî îslamîy Îran dekem ke le ezmûnekanî em hunermende gewrane le beşî ferhengî û hunerîyda kellk werbigrêt.