Li Tirkiyeyê bajarê Mêrdînê ku di van salên dawîn de, gelek fîlm û rêzefîlmên xwemalî tê de hatine çêkirin, niha jî bala derhênerên Hollywoodê dikşîne.

Li Bajarê Mêrdînê yê 7 hezar salî ku bi pêkhateya xwe ya mîmarî û kulturî bûye delaliya prodûktorên sînemayê, di nava 5 salên borî de ji zêdetirî 10 fîlm, belgefîlm, rêzefîlm û klîp hatine çêkirin.

Li gor nûçeya CHAyê, prodûktorê Amerîkî yê Hollywoodê Manu Gargî digel prodûktorê tirk Îlhan Kizilkaya li çend cihên Mêrdên geriyaye û serdana cihên ku dikare tê de fîlm bê çêkirin kiriye.

Gargi da zanîn ku wî digel aktorê navdarê Hollywoodê Nicolas Cage hevdîtinek Serokwezîrê Tirkiyeyê Recep Tayyîp Erdogan pêk aniye û got:

“Me li ser Mêrdînê gelek tişt bihîstibû lê diyar e tiştê li ser vî bajarî ji me re hatine gotin, kêm in.. Me projeya fîlmekî aksiyonê heye ku em dixwazin vî fîlmî li Mêrdînê çê bikin. Gelek aktor û aktrîstên navdar dê vî fîlmî de bilîzin lê ez naxwazim navê wan aşkere bikim.”

Bajarê Mêrdînê ku wek sektora tûrîmzê di sektorên sînema û rêzefîlman de jî serkeftin bi dest xistiye, gelek caran bûbû mijara bername û belgefîmên televîzyonên Holanda, Swêd, Brîtanya, Almanya, Japonya, Sûriye, Misir û Makedonyayê.

Bajarê Mêrdînê li sinorê Tirkiye û Sûriyeyê ye piraniya rûniştvanên wê kurd in û tê de ereb jî dijîn. (AKnews)