6’ê vê mehê Navenda Kurdî ji bo Perwerde, Zanist û Kulturê li paytexta Fransa Parîsê belgefîlmê Evdalê Zeynikê ku derhênerê wê Bulent Gunduz e, mîmayîş kir. Ji bo temaşekirina belgefîlmê navborî akinciyên bajêr, kurdistaniyên li Parîsê û di nav de nûnerê YNK’ê û nûnerê hikûmeta Herêma Kurdistanê yê li Fransayê û nûnerên çendîn saziyên rêxistina civaka sivîl jî amade bûn.
Destpêkê sekretera navenda KESCC’ê Sîsîl Kursîra bi navê serok, endam û dostên navendê bixêrhatina amadebûyan kir û li ser kultura dengpêjiyê axivî û anî ziman ku dengbêjî vedigere berî çend sed salan û ne tenê li Kurdistanê, belkî li Ewropayê jî ev kultur hebûye.
Paşê nûnerê YNK’ê yê li Fransayê peyvek pêşkêş kir û behsa peywendiyên YNK’ê digel hemû aliyan kir û ew peywendî bi erênî wesif kirin.
Paşê jî belgefîlmê Evdalê Zeynikê hate nûmandin ku nêzî 75 deqeyan e.
Piştî nûmandina belgefîlmê navborî, derhêner Bulent Gunduz bersiva pirsên amadebûyan da.
PUKmedia