Hunermendê navdar Ednan Kerîm di gel gropa Kamkaran ya mûzîkê şeva pêncşemê li bajarê Silêmaniyê konserek pêşkêş kir. Konser li salona “Telarî Huner” bi beşdariya zêdetirî hezar û şessed kesî çêbû.

Li gor Aknewsê berpirsê ragihandinê yê rêkxênerên konserê Acia Cellê got: ‘Me hunermend Edanan Kerîm û grupa mûzîkê Kamkaran bo vê konserê vexwendin û herwiha dahata vê konserê dê ji bo nexweşên nexweşxaneya Hîwa ya taybet bi nexweşiya şêrpenceyê bêt pêşkêş kirin’.

Ednan Kerîm sala 1962ê hatiye dinyayê, û di salên heftêyî de dest bi hunerê kiriye. Ji bilî mûzîkê ew şêwekar e û wî gelek pêşangehên şêwekarîyê amade kirine.

Ednan Kerîm sala 1992ê Kurdistan bi cî hişt û li welatê Swêdê niştecî bû, wî bi dehan stran tomar kirine û albûma wî ya dawîyê bi navê “Wefayî” di sala 2010-ê de belav bû.