نيوه‌ڕۆى ئەمڕۆ چوارشەممە 2025/2/26 لە پەراوێزی كاره‌كانى سێيه‌مين كۆڕبه‌ندى هەولێردا كه‌ ناوه‌ندى لێكۆڵينه‌وه‌ى ڕووداو به‌ڕێوه‌ى ده‌بات، بەڕێز نێچیرڤان بارزانی، سەرۆکی هەرێمی کوردستان، له‌ ديدارێكدا له‌گه‌ڵ به‌ڕێز زه‌كه‌ريا ياپجى ئۆغلو، سه‌رۆكى گشتيى هوداپار و ئه‌ندامى په‌رله‌مانى‌ توركيا و شاندێكى ياوه‌رى، ده‌رباره‌ى هه‌وڵه‌كانى پرۆسه‌ى ئاشتى له‌ توركيا بيروڕايان گۆڕييه‌وه‌.

هه‌ردوولا جه‌ختيان له‌ گرنگيى پرۆسه‌ى ئاشتى و هه‌وڵه‌كان بۆ سه‌رخستنى پرۆسه‌كه‌ كرده‌وه و هاوڕا بوون كه‌ چه‌ك و شه‌ڕ هيچ كيشه‌يه‌ك چاره‌سه‌ر ناكه‌ن‌. هه‌ر له‌مباره‌يه‌وه‌ سه‌رۆك نێچيرڤان بارزانى دووپاتى كرده‌وه‌ كه‌ هه‌رێمى كوردستان بۆ هه‌ر هاوكارييه‌كى پێويست له‌پێناو سه‌رخستنى پرۆسه‌ى ئاشتيدا ئاماده‌يه‌ و ڕۆڵى هه‌رێمى كوردستان يارمه‌تيده‌رانه‌ ده‌بێت.

چالاكيى هوداپار و په‌رله‌مانتارانيان له‌ په‌رله‌مان و‌ ژيانى سياسيى توركيادا، ته‌وه‌رێكى ديكه‌ى ديداره‌كه‌ بوو