وەستاندنی گەشتەکان لە ئیتاڵیا و فەرەنسا و یۆنان بۆ ئیسرائیل
هێڵی ئاسمانی ئیتاڵیا و فەرەنسا و یۆنان ڕاگرتنی گەشتەکانیان بۆ ئیسرائیل ڕاگەیاند.
ڕۆژنامەی "ئیسرائیل هیۆم" لە ڕاپۆرتێکدا ڕایگەیاند، كە هێڵە ئاسمانییەکانی ئیتاڵیا و فەرەنسا و یۆنان بەهۆی هۆکاری ئەمنی گەشتەکانی هاتن و چوونیان بۆ ئیسرائیل ڕاگرتووە.
بەگوێرەی ڕاپۆرتەکە، هێڵی ئاسمانی ITA Airways کە تاکە کۆمپانیای ئیتاڵییە كە کارەکانی لە ئیسرائیل بەردەوامیی هەیە، گەشتە ئاسمانییەکانی بۆ ئەو وڵاتە تا 12ی 1 ڕاگرتووە.
هەروەها کۆمپانیای ئایر فەرەنسا سەرجەم گەشتەکانی بۆ ئیسرائیل تا ٢٦ی کانوونی دووەم هەڵوەشاندەوە.
هەروەها هێڵی ئاسمانی ئیجین لاینزی یۆنان ڕایگەیاند، کە تا ٣ی کانوونی دووەم گەشتیان بۆ ئیسرائیل نابێت.
گوڵان: سەردار خەلیل
