یەکێتی لە ترسی هەڵبژاردنی ئەنجوومەنی پارێزگای کەرکوک، کەوتووەتە و پەلاماردانی (پارتی) 

لە کاتێکدا ئەگەر تەزویر و ساختەکاری هاوشێوەی ڕابردوو هەبووایە، یەکێتی بە هیچ شێوەیەک داوای “هاوپەیمانیەتی” لەگەڵ حیزب و لایەنە سیاسییەکان نەدەکرد و، وەکو هەمیشە سستی و داتەپینە سیاسییەکەی بە (تەزوریر) لە کەرکوک چارە دەکرد.

 

بچووک بوونەوەی قەبارەی حیزبی و سەربازیی (یەکێتی) بەهۆی خیانەتی 16ی ئۆکتۆبەرەوەیە کەرکوکییەکان، ڕەتیدەکەنەوە دەنگ بدەنە حیزبێک، کە شارەکەیانی ڕادەستی نەیارانی میللەتی کورد کردبێت و، هۆکاری عەسکەرتاریەتی ئێستای شارەکە بێت، لە ڕاستیدا یەکێتی بۆ شاردنەوەی شکستەکانی هەموو ڕێگەیەکی نادروست و دوور لە پرەنسیپیەکانی سیاسیی بگرێتە بەر.

 

لەو کاتەوەی هەڵبژاردن لە کەرکوک و ناوچە کوردستانییەکان ئەنجامدەدرێت، یەکێتی هەڵبژاردن دوای هەڵبژاردن دەنگەکانی لەم شارەدا کەم دەکات، هەرچەندە (یەکێتی) لە کۆمەڵێک قۆناغدا پۆستی گرینگی لەشاری کەرکوک بەدەستەوە بووە، بەڵام بە دیدی خەڵکی شاری کەرکوک، ئەم حیزبە نەیتوانیووە، خزمەتی شارەکە بکات و پۆستەکان هێندەی بۆ خزمەتی کەسی و بەرپرسەکان بەکارهاتووە، بۆ ئاوڕدانەوە لە کەرکوکییەکان بەکارنەهاتووە.

 

“لە دەستدانی متمانەی کەرکوکییەکان”

 

لەماوەی چەند هەڵبژاردنێک لە کەرکوک، یەکێتی دەیان هەزار دەنگ کەمی کردووە، ڕێکخستنەکانی سست بوون و نەیانتوانیوە داواکاریی ئەندام و لایەنگرانی خۆیان جێبەجێ بکەن، هۆکارەکەی دەگەڕێتەوە بۆ ئەوەی بەلای یەکێتییەوە (کەرکوک) نابێت لەژێر دەسەڵاتی حکومەتی کوردی و پارێزگارییەتی کوردستاندا بێت، نزیکترین نموونەش؛ کە یەکێتی لەو کاتەی پۆستی پارێزگاری شارەکە لای خۆی بوو، بەشێکی گرینگی پۆستەکانی کۆنتڕۆڵ کردبوو، بەڵام لەگەڵ کۆمەڵێک گرووپی چەکداریی نایاساییدا ڕێککەوت بە (تەسلیم کردنی شاری کەرکوک) ئەم هەنگاوەی یەکێتی بە بەڵگە و ئیمزای (38) لە ئەندامانی سەرکردایەتی یەکێتیی لەلایەن دەسەڵاتدارانی ئەو حیزبە سەرپەرشتی کرا، دواتریش لەلایەن سەرانی هێزە عێراقییەکانەوە ئەم ڕێککەوتن و کشانەوە و خۆتەسلیم کردنەی یەکێتی پشتڕاست کرایەوە و دەستخۆشیان لێکرا.

دەرەنجامیش؛ خەڵکی شار ئاوارە بوون و زوڵم و ستەم دەستیپێکرد و تا ئا ئێستاش، کار لەسەر سڕینەوەی ناسنامەی ڕاستەقینەی کەرکوک دەکرێت.

 

“یەکێتی لە دۆخی کەرکوک بەرپرسیارە”

 

ڕاگواستن، بە عەرەبکردن، ئاوارەیی و دەربەدەری 168 هەزار کەس لە کەرکوک و ناوچەکانی دەوروبەری لە ئەستۆی یەکێتیدایە، چوونکە ئەم حیزبە بەردەوام لەژێر هەژموون و فشاری نەیارانی کورددا تەماشای کەرکوکی کردووە، بەو واتایەی هیچ دیدگا و بەرنامە و پرۆژەیەکی بۆ شارەکە نییە، ئەم حیزبە هۆکاری سەرەکی بێ ئومێدکردنی خەڵکی شاری کەرکوکی ستەم دیدەیە، لە خیانەتی 16ی ئۆکتۆبەر و ڕەفتاری نابەرپرسانەی ئەم حیزبەوە، بوونیەت و داهاتووی کورد لەم شارە کەوتووەتە مەترسییەوە، ئەمە بنەمای ئەو تیۆرییە گرینگەیە کە وادەکات، بە ژمارە و داتا و ئامار لە هەڵبژاردنی داهاتووی ئەنجوومەنی پارێزگای کەرکوک و ناوچەکانی دیکەش، یەکێتی هەزاران دەنگی دیکە لەدەست بدات.

 

“پاڵپشتی لە پارێزگاری سەپێندراوی کەرکوک”

 

لە ماوەی ڕابردوودا، (ڕاکان جبوری) بە واژووی و پاڵپشتی “یەکێتی” بووە پارێزگاری کەرکوک بەڵام لە ئێستادا (پارێزگارە سەپێنراوەکەی کەرکوک) 

هیچ حسابێک بۆ یەکێتی ناکات، تەنانەت وەکو گرووپێکی بچووکی سیاسییش تەماشایان ناکات، ئەمە هۆکارێکی دیکەیە کە کەرکوکییەکان، بە هەموو شێوەیەک یەکێتی ڕەتبکەنەوە و دەنگەکان بۆ ئەو حیزبە بکشێننەوە.

 

بێ ئومێدی خەڵکی کەرکوک لە یەکێتی وایکردووە لە نێوان سێ هەڵبژارندا، ئەو حیزبە زیاتر لە (170 هەزار دەنگ) لە کەرکوک کەم

بکاتەوە، لە هەمانکاتدا لە (6) کورسی بەردەوام نیوە لە نیوەی کورسییەکانی لەدەستدا، پێشبینی دەکرێت، ئەم ڕێژەیە بەرز بێتەوە و یەکێتیی ژمارەی دەنگ و کورسییەکان لە کەرکوک کەمتر بێتەوە.