کەنەدا بڕی ٢٠ ملیۆن دۆلار هاوکاری پێشکەشی تورکیا و سوریا دەکات
حکومەتی کەنەدا بڕی ٢٠ ملیۆن دۆلاری دیکە وەک پاڵپشتی بۆ لێقەوماوانی بوومەلەرزە لە تورکیا و سوریا دابین دەکات.
میلانیا جۆلی وەزیری دەرەوەی کەنەدا وهارجیت ساجان وەزیری گەشەپێدانی نێودەوڵەتی کەنەدا لە بەیاننامەیەکی هاوبەشدا ڕایانگەیاند، کە بڕی ٢٠ ملیۆن دۆلاری دیکە وەک هاوکاری مرۆیی پێشکەشی تورکیا و سوریا دەکەن بۆ پاڵپشتیکردنی زیانلێکەوتووانی بوومەلەرزە.
ساجان لەم بەیاننامەیەدا جەختی لەوە کردەوە: تا ئێستاش کارەساتە ترسناکەکەی تورکیا و سوریا کاریگەری لەسەرمانە، بەیاننامەکەی ئەمڕۆ وەڵامی داواکارییە مرۆییەکانی کۆمەڵگەی نێودەوڵەتی دەداتەوە.
وەزیری دەرەوەی کەنەداش هەروەها ڕایگەیاند: لەم قۆناغە سەختەدا لەگەڵ خەڵکی تورکیا و سوریا دەبین و هاوکاری بەپەلە بۆ بوژانەوەی ئەو دوو وڵاتە پێشکەش دەکەین.
گوڵان: سەردار خەلیل
