ماسیۆ تۆلەر باڵیۆزی ئەمریکا لە عێراق لە راگەیاندراوێکدا بڵاویکردەوە، لە میانی کۆبوونەوەیان لەگەڵ نوری مالیکی سەرۆک وەزیرانی پێشووتری عێراق جەختیان لەسەر پاڵپشتییەکی بەهێزی ئەمریکا کردەوە لەپێناو ئەنجامدانی هەڵبژاردنێکی پاک و ڕوون لە وادەی خۆیدا، کە بڕیارە لە ١٠ى تشرینی یەکەمی ئەم ساڵ بەڕێوەبچێت.

لەلای خۆشیەوە باڵیۆزخانەی ئەمریکا لە عێراق ئاماژەی بەوە كردووە كە  واشنتۆن پشتگیرییەکی بەهێیزە بۆ دیموکراسی و سەروەریی یاسا بۆ ئەنجامدانی هەڵبژاردنێکی روون لە وادەی خۆیدا. ڕوونیشی كردەوە كە واشنتۆن لەچوارچێوەی پێشکەشکردنی هاوکاری دارایی پێویست و یارمەتیدانی تیمی تەکنیکی پاڵپشتیی دەكات.

جێگەی وەبیر هێنانەوەیە  بڕیارە لە مانگی تشرینی یەکەمی ئەم ساڵدا هەڵبژاردنی پەرلەمانی عێراق بەڕێوەبچێت و سەرەڕای کشانەوەی چەند حزب و لایەنێکیش، بەڵام هێشتاهیچ بڕیارێک بۆ دواخستنی هەڵبژاردنەکان نییە.