چیتر ستەمكاری بەغدا قبوڵ ناكرێ ، دەبێ كورد خاوەن ماف و دەوڵەتیی خۆی بێ ..
رێبوار حەمەلاو شوانی
بۆیە ئەمڕۆ باشتر بیر لە جیابوونەوەی یەكجاری بكەینەوە تا دوێنێ ،چونكە یەكریزی كورد لە ریفراندۆمی سەربەخۆییی سەڵماندی كە سەركەوتنی ئیرادەی كورد مسۆگەرە. دوای پرۆسەی ریفراندۆم بۆ خەڵكی هەرێم ئاشکرا بوو، ئەوەبوو كە بەغدا هەرێمی كوردستان وەك بەشێك لە عێراق و خەڵكەكەشی وەك هاووڵاتی نابینێت. لە دوای ڕیفراندۆمه‌وه، بەغدا هیچ نیازێكی پاكی نیشان نەداوه بۆ چاره‌سه‌ركردنی كێشه‌كان و گێڕانه‌وه‌ی متمانه‌ی خه‌ڵكی كوردستان به‌رامبه‌ر به حكومه‌تی ناوه‌ندی. گرتنی سنوورەكان و داخستنی فڕۆكەخانەكان و ترساندنیان لە کەرکوک و شارەکانی تر، سەلماندی كە تا ئێستاش بەغدا نیازیكی پاكی نییە بۆ چارەسەركردنی كێشەی كورد لە عێراقدا، بەڵكو مەسەلەكە تەنیا دەرفەتە.
دەسەڵاتدارانی بەغدا بەردەوام جەخت لەوە دەكاتەوە كە دەبێت دەستوور لە تەواوی عێراق بە هەرێمی كوردستانیشەوە جێبەجێ بكرێت، بەڵام ئەوەی جێگەی داخە عێراق بەردەوام خۆ لەو دەستوورە دەدزێتەوە و جێبەجێ ناكات، كە تا ئێستا زیاتر لە 56 ماددەی دەستووری لەلایەن حكوومەتی عێراقەوە پێشێل كراون، ئەوەی هەرێمی كوردستانیش داوا دەكات جێبەجێ كردنی دەستوورە، چونكە تەنیا ڕێگەیە بۆ ئەوەی بەغدا و هەولێر بە یەكەوە كێشەكانیان چارە بكەن، بەڵام ئەگەر وەكو جاران دەستوور هەر بەلاوە بنرێت كێشەكانیش هەر بەردەوام دەبن و چارەكردنیان قۆرستر دەبێت. ئەگەر عێراق دەستوور وەكو خۆی جێبەجێ بكات، ئەوە لە بەرژەوەندی هەرێمی كوردستاندایە، چونكە بەپێی دەستوور هەموو كێشەكانی نێوان هەولێر و بەغدا چارە دەبن و چی دیكە مافی كورد پێشێل ناكرێت و ناوچە كوردستانییەكانی دەرەوەی هەرێم، دەگەڕێنەوە سەر كوردستان، هەر لەبەر ئەوەش هەرێمی كوردستان بەردەوام تەئكید لە جێبەجێ كردنی دەستوور دەكاتەوە، بۆ ئەو مەبەستەش هەرێمی كوردستان ئامادەیی خۆی دەربڕیوە كە بەپێی دەستوور ئامادەیە كێشەكان لەگەڵ عێراق چارە بكات، ئەگەر بەغدا نیەتی ئەوەی هەیە بەپێی دەستوور كێشەكان لەگەڵ هەولێر چارە بكات، بەڵام لەگەڵ ئەوەش بۆ هەر گفتوگۆ و دانوستاندنێك لە نێوان هەولێر و بەغدا دەبێت لایەنی سێیەم بەشدار بێت لە دانوستاندنەكان و ئەو گفتوگۆیە بە ئاگاداری كۆمەڵگەی نێودەوڵەتی بێت و ئەوان حەكەم بن لەم بەینە، ئەگەرنا هیچ ڕێككەوتنێك سەر ناگرێت و سیناریۆیەكان دووبارە دەبنەوە.لە رابردوو و ئێستاشدا گەلی كورد بە هیچ شێوەیەك باوەری بە بەڵێنە چەواشەكارانەی بەغدا نەبووە و نابێ تەنیا چارەسەر جیابوونەوەیە وەك دوو دراوسێ. دوای 25-9 كە كورد بە سەرۆكایەتی بەڕێز مەسعوود بارزانی سەركەوتنی بەدەستهێنا لەگشت پرسی، سەركردە عێڕاقیەكان بەبێ جیاوازی كەوتنە بڕیاردان و قسەكردن دەربارەی كورد كە سەرجەم بڕیارەكانیشان نابەجێ بوون، بەمەش نەوەستان بەهاوكاری دەستێكی ناوخۆ كە بەرپرس بوون لەچەندلایەنەكی سیاسی ناوچەكێشەلەسەرەكانییان داگیركرد پاشان گەماڕۆی ئاسمانی و زەمینیان خستەسەركورد .پشكی كوردیان لەبوددجەی عێڕاق كەمكردەوە ، ریفراندۆمییان بەنادەستوری لەقەلەمدا و داوای هەڵوەشاندنەوەشی دەكەن بەمەش نەوەستاوە داوای دەستگیركردن و لێ پێچینەوە دەكەن بۆ هەندێ كەسایەتی و بەرپرسی كورد كەسەر پەرشتیار و بەژداری گشت پرسیان كردوە. بۆسەرخستنی هەوڵەكانیشیان گەلی كورد تا ئێستاش بەشێكن لەعێڕاق برسی و زەلیلی دەكەن لەگەل لێسەندنەوەی سەرجەم مافەكانییان. بەوسەركردە عێراقی و سیاسات مەدارانەیان دەڵێم كەی؟ دووخاكی جیاواز دووگەل و زمان و كلتوری جیاواز یەك دەگرن و دەبن بەیەك پارچە؟، تائێستا بەرێكەوتنی سیاسی نێو دەوڵەتی بوبێت یان ناوخۆی لەگەل یەكدا هەلیان كردوە بەڵام ئێستا كورد، كوردە وعرەبیش عرەب، كوردستان دەوڵەتئێكە كە لەداهاتوو بەناچاری عێراق و جیهان دانی پێدا دەنێن، بۆیە پێویست ناكات لەمە یاتر سەركردە عێڕاقیەكان بەناحەقی بدوێن و بەناشارەزای بڕیاربدەن تایبەت پیداچونەوەیەك بكەن بەوقسانەی دەی كەن و وەئەو بڕیارانەی داویانە و دەی دەن .
سەرۆك لە بواری سەربازیش زۆر قوول و دووربینە، بێ وێنەیە وێنەی نییە لە هەموو جیهاندا، زۆر لێهاتو و لێزانە، هەمیشە لەگەڵ پێشمەرگە قارەمانەكان سەنگەرەكانی پێشەوەی بەرگری كردندا بووە، سەركەوتن و داستانەكانی شاهیدی بۆ دەدەن لەهەر داستانێك بەژداری كردبێت سەركەوتنێكی گەورەی تۆمار كردووە بۆ گەلی كورد و كوردستان گورزێكی ئاسنینی لەدوژمنداوە، كوردستانی كردۆتە گۆڕستان بۆ دوژمنانی كورد و كوردستان، تەنها ئاماژە بۆ دوو داستانی گەورەی جەنابی سەرۆك دەكەم وەكو داستانی خواكورك و داستانی شنگال، هەرچەندە هەندێك لایەن بە بیستنی خەباتی شورشگێری جەنابی سەرۆك سەركەوتنەكانی لەبواری سەربازی دیپلۆماسی پێیان هەرس ناكرێت و تانە و تەشەری ناكوردانە و نامەسئولانە لێ دەدەن، بەڵام ئەبێ ئەمانە بەرە بەرە خۆیان رابهێنن هەرسیان بكەن، ئەمە راستیەكە و كەس ناتوانێت نكوڵی لێ بكات، چونكە جەنابی سەرۆك تەنها و تەنها ئەركی نەتەوەیی خوی جێبەجێ دەكات، حەق وایە ئەم لایەنانە لە جیاتی تانە و تەشەری موزایدەی بۆش و بەتاڵ پشتگیری لە هەموو هەنگاوە پیرۆزەكانی رەمزی نەتەوەی كورد جەنابی سەروك مسعود بارزانی بكەن هاوكاری بن و بۆ سەر خستنی دوزی ڕەوای گەلەكەمان، هەر ئەمەشە دەمان گەینێتە سەركەوتنی یەكجارەكی نەك جودا و جوداخوازی خۆ دوور خستنەوە و خۆدزینەوە لە ئەركە نەتەوەیەكانمان، بە پشتیوانی خواو بە هیمەتی جەنابی سەروك و پێشمەرگە قارەمانەكان ئەم گەلە ستەم لێكراوە . ئەو رۆژەش نزیكە كە میللەتی كوردیش وەك گەلانی دیكەی جیهان خاوەنی دەوڵەتی سەربەخۆیی خۆی بێ..
