دوای 100 ساڵ لە هەڵوەشانەوەی سایكس پیكۆ ،ئیتر مەحاڵە نەخشەی جوگرافیایی ناوچەكە وەك خۆی لێبێتەوە و لە بنەرٍەتەدا هەڵوەشاوەتەوە و ئێستا ئەو نەتەواانەی وەك كورد كە بە زۆرداری لە لایەن زڵهیزانەوە وڵاتەكەیان دابەشكراوە ، پێداگری لە سەر گەرانەوەی نیشتیمانە داگیركراوەكەیان دەكەن ،لە و نێوەشدا باشووری كوردستان بە خوێنی زیاتر لە 1500 پێشمەرگە زۆرینەی نەخشەی كوردستان دەستنیشانكردووە و مەحاڵە جارێكی تر دەستبەردای بستێك خاكی كوردستان بێت . هەروەها لە ئێستادا ئەمەریكا سەرقاڵی جێبەجێكردن و داڕشتنەوەی نەخشەی نوێی ناوچەكەیە، بەڵام ئەمەریكا وەك ئێمە نییە پەلە بكات، من خۆم نەخشەی نوێی ناوچەكەم ماوەیەك لەمەوبەر بینیوە و تێیدا كورد دەوڵەتە و سنوورەكەیشی دیاری كراوە، پێویستە ئێمە لای خۆمانەوە پلانێك دابنێین ئەگەر بەیانی كۆمەڵگەی نێودەوڵەتی رێك بوو لەسەر دامەزرادنی دەوڵەتی كوردستان، ئێمەیش ئامادە بین و ستراتیژی خۆمان هەبێت..سیاسەت بەرژەوەندییە و ئەمەریكا لە رۆژهەڵاتی ناوەڕاست پشتگیری هەرێمی كورد ستان دەكات، بەرژەوەندیی ئەمەریكا لەوەدایە پشتگیریی كورد بكات، هەموو لایەك دەزانن كاتێك كاك مەسعوود بارزانی، سەردانی سعوودیای كرد، چۆن پێشوازییان لێ كرد، لەبەر ئەوەی نزیكبوونێك لە نێوان میحوەری ئەمەریكا و سعوودەا و توركیا لەگەڵ هەرێمی كوردستان هەیە، لەبەر ئەوە ئەمڕۆ ئەمەریكا بەرژەوەندییەكانی وای لێ دەكات باشترین میللەت بۆ ئەو لە رۆژهەلاتی ناوەڕاست، كورد بێت.
سەرۆك بارزانی، لە بەر هەستكردن بە بەرپرسیاریەتی مێژوویی و خەبات و تێكۆشانی نەتەوەی كورد و لە خاتری خوێنی شەهیدان ، هەروەك لە كاتی بانگهێشتكردنی بۆ وڵاتەیەكگرتووەكانی ئەمەریكا ، رایگەیاند كە " ئەگەر لە سەر سێ‌مەتریش بێت ،سەربەخۆیی كوردستان رادەگەێنم "، ئەوان بێ‌گوێدان بە هیچ هەرٍەشە و مەترسی و پیلانگێریی نێو خۆیی و دەركی ئەوا بریاردان لە سەر مافی چارەنووسی كورد ، چ لە رێگەی پرۆسەی گشتپرسییەوە بێت یانیش راستەو خۆ رادەگەێنێت .. جێگەی شەرٍمەزارییە لە ئێستادا كەس ولایەن گەڵێك لە باشووری كوردستان بوونی هەیە كە دژی ریفراندۆم و سەربەخۆیی و دەوڵەتی كوردستان قسە دەكەن، ئەوان شەرمیان لە كوڕ و كچ و خێزان و دایك و باوكی شەهید نییە، ئەو شەهیدانەی كە لە پێناو پاراستنی شەرەف و نامووسی ئەوان جوانەمەرگ بوون. یەكڕیزی و تەبایی گەورەترین چەكە بۆ رووبەڕووبوونەوەی ئەو كەسانەی كە زۆرجار نیشانەی پرسیاری خیانەتیان لەسەرە، پێویستە ئەمڕۆ كە رۆژی دڵسۆزان و نیشتمانپەروەران و خەمخۆرانی نەتەوەكەمانە، دەستی یەك بگرن لەگەڵ پارتی دیموكراتی كوردستان كە هەڵگری پرۆسەی سەربەخۆییە، ئەو سەربەخۆییەی مافی شەرعی و یاسایی نەتەوەی كوردە، هەموو كوردێك هەست بەو راستییە دەكات، كە هۆكاری بڕینی بودجە و مووچە لەلایەن بەغداوە، هەوڵێك بوو ئەوەی كورد نەبێتە خاوەنی ئابووری سەربەخۆی خۆی.. بۆیە ئیتر سەرۆك بارزانی ، دوای راوێژیكردن لەگەڵ گشت لایەنەسیاسییەكان چاوەروانی كەس ناكات و بریار لە سەر مافێك دەدات كە دەیات ساڵە هیواو ئاواتی شەهیدان، پێشمەرگە و هەر تاكێكی دڵسۆزی كوردە لە سەرانسەر جیهان ..

گەر بە وردی سەرنجی مەرام و پیلانگیرییەكانی ناحەزانی سەرۆك بارزانی بدەین ، هۆكارەكەی روون و ئاشكرایە و ئەویش كەسایەتی كارێزمایی و بەهێزی پێگەی بەرێزیانە لە پرسە نەتەوەیی و چارەنووسسازەكان و پێداگری و داكۆكیكردنیانە لە سەر دەوڵەتی سەربەخۆیی كوردستان بە تایبەتی .ئەو بابەتەی كە دوژمنانی كورد و سەرۆك بارزانی بێ‌ئومێد كردووە ئەوەیە كە تەنیا بۆ ساتێكیش ئامادە نییە سازش لە سەر بستێكی خاكی كوردستان بكات و هەروەها لە پرسێكی نەتەوەیی وەك سەربەخۆیی كوردستان پاشگەز ببێتەوە .سەرۆك بارزانی لە سەر ئاستی ئیقلیمی و نێودەوڵەتی كەسایەتییەكی بەهێزی هەیە و بۆ زۆر لە پرسە چارەنووسسازەكان پرس و راوێژی پێدەكەن .
هەروەها لە سەر ئاستی كوردستانی گەورە مەبەست هەر چوار پارچە داگیركراوەكە پێگەیەكی بەهێزی هەیە و بەردەوامە پەیوەندی بەهێزی لەگەڵ كەسایەتی و لایەنە سیاسییەكان دا هەیە و داكۆكیكاری راستەقینە مافەرەواكانی كورد و كوردستانە .. هیچ كات خۆی بە بەشێكی دیاریكراویی كوردستانەوە سەرقاڵ نەكردووە ، ئەمەش وایكردووە نەیارانی كورد و سەرۆك بارزانی بە ترس و دڵەرٍاوكێیەوە بروانە كەسایەتی بەهێزی سەرۆك بارزانی ..
خەباتی زیاتر لە نیو سەدە و قوتابیەكی قوتابخانەی كوردایەتی و رێبازی بارزانی و سازش نەكردن لە سەر خاك ، سەروەرییەكانی كورد ، وایكردووە كە ناحەزانی كورد شەو رۆژ كار لە سەر لێدانی پێگەی بەرێزیان بكەن و لە هەمانكاتیشدا پیلانی ترسناك و قرژ بگێرن بۆ ئەوەی لەو رێرەوەیی كە بەرهەمی خەباتی دەیان ساڵەیە كە ئەویش سەربەخۆیی كوردستانە بەلارێدا ببەن .. بەڵام ئیرادەی پۆڵایینی بەرێزیان و پشتیوانیكردنی گەلی لە هەنگاوەكانی گشت پیلان و مەرامی نەیارانی كورد پۆچەڵ دەكاتەوە و بن خوڵ دەكات .. سەرۆك بارزانیش بەرەو لووتكەی سەربەخۆیی هەنگاو دەنێت .