كه‌شناسێكی عێراقی: شه‌پۆلی گازێكی ژه‌هراوی به‌ڕێوه‌یه
كه‌شناسێكی و ئه‌ندامی لیژنه‌ی شاره‌زایانی رێكخراوی چاودێری كه‌شناسی جیهانی ئه‌مڕۆ رایگه‌یاند، شه‌پۆلی دوانه‌ئۆكسیدی گۆگرد كه له ئیتاڵیاوه سه‌رچاوه‌ی گرتوه و گازێكی ژه‌هراویه، به‌ئاسمانی عێراق تێده‌په‌ڕێت و ئه‌گه‌ر بمێنێته‌وه له‌چڕیه‌كی زۆردا، ئه‌وا مه‌ترسی دروستده‌كات.
سادق عه‌تیه، شاره‌زای بواری كه‌شناسی عێراق و ئه‌ندامی ده‌سته‌ی كه‌شناسی ئه‌وروپا له هه‌ژماری تایبه‌تی خۆی له فه‌یسبوك نوسیویه‌تی، "له ماوه‌ی ٣٦ كاتژمێری داهاتودا شه‌پۆلێكی گازی ژه‌هراوی كه له دوانه ئۆكسیدی گۆگرد (So2) پێكهاتوه رو به‌ئاسمانی عێر اق تێده‌په‌ڕێت، به‌ڵام جێگیر نابێت و به‌رده‌وام ده‌بێت له‌رۆیشتن.
له چڕی زۆردا گازی دوانه ئۆكسیدی گۆگرد به‌ڕێژه‌یه‌كی زۆر ژه‌هراوییه، به‌ڵام به‌هۆی ئه‌وه‌ی له عێراق جێگیر نابێت
راشیگه‌یاند، له چڕی زۆردا گازی دوانه ئۆكسیدی گۆگرد به‌ڕێژه‌یه‌كی زۆر ژه‌هراوییه، به‌ڵام به‌هۆی ئه‌وه‌ی له عێراق جێگیر نابێت، ئه‌وا مه‌ترسییه‌كی گه‌وره له‌سه‌ر هاوڵاتیان دروست ناكات، به‌ڵام ئه‌گه‌ر بمێنێته‌وه به‌دڵنیاییه‌وه مه‌ترسیه‌كه‌ی زۆر ده‌بێت.
گازی دوانه‌ئۆكسیدی گۆگرد ڕۆژانه له ئاسمانی عێراقدا بونی هه‌یه به‌ڵام به‌ڕێژه‌ی كه‌متر
باسی له‌وه‌شكرد، گازی دوانه‌ئۆكسیدی گۆگرد ڕۆژانه له ئاسمانی عێراقدا بونی هه‌یه به‌ڵام به‌ڕێژه‌ی كه‌متر، هۆكاری سه‌ره‌كی گازه‌كه‌ش ئه‌و چالاكیانه‌یه كه زیان به ژینگه ده‌گه‌یه‌نن له‌وانه‌ش، سوتاندنی سوته‌مه‌نی له ده‌رهێنانی نه‌وت و هاتوچۆی ئۆتۆمبێل.
پێشتریش سادق عه‌تیه له‌باره‌ی شه‌پۆلێكی دوانه‌ئۆكسیدی گۆگرده‌وه رایگه‌یاندبو، دوانه‌ئۆكسیدی گۆگرد كه گازی ژه‌هراوییه ئه‌گه‌ر له‌هه‌وادا چڕببێته‌وه مه‌ترسی گه‌وره دروست ده‌كات، بێ ڕه‌نگه و بۆنێكی پیسی هه‌یه
ئه‌وه‌شی خستبوه‌ڕو، ئه‌و گازه له ئه‌نجامی ته‌قینه‌وه‌ی بوركانێك له دورگه‌ی سقڵیه له ئیتاڵیا ده‌رچوه و ئاراسته‌ی با به‌ره‌و ناوچه‌كه‌مانی ده‌هێنێت و به‌ئاسمانی سوریا و عێراق و توركیا تێده‌په‌ڕێت.
خه‌ندان-
