ئەمڕۆ سێشەممە وەزیرانی بەرگریی هاوپەیمانیی ناتۆ پێشنیازی زیادكردنی ژمارەی سەربازانی هاوپەیمانییەكەیان لە 500 سەربازەوە بۆ 4500 سەرباز لە عێراق تاوتوێ كرد.

تۆڕی هەواڵی (سكای نیوز) بڵاوی كردەوە وەزیرانی بەرگریی هاوپەیمانیی ناتۆ بە نیازن چوارچێوەی ئەركی ڕاهێنانەكانیان لە عێراقدا فرەوانتر بكەن، بەتایبەتی لە دوای كۆتاییهاتنی ڕێوشوێنە تەندروستییەكانی خۆپاراستن لە پەتای ڤایرۆسی كۆرۆنا، ئەمەش بەهۆی زیادبوونەوەی ڕێژەی توندوتیژییەكانە لەم وڵاتە.

بەپێی هەواڵەكە، دیبلۆماتكاران پێشبینی دەكەن وەزیرانی بەرگریی ناتۆ لە كۆبوونەوەی رۆژی پێنجشەممەی داهاتوودا كە لە ڕێگەی ئینتەرنێتەوە ئەنجام دەدرێت، پێشنیازی زیادكردنی 500 سەرباز لە عێراق، بۆ چوار هەزار یان پێنج هەزار سەرباز پەسەند بكەن.

دوێنێ دووشەممەش یانز ستۆڵتنبێرگ ئەمینداری گشتیی ناتۆ رایگەیاندبوو كە پێشبینی دەكات وەزیرانی بەرگریی ناتۆ كار لەسەر بڕیاری فرەوانكردنی كارەكانی ناتۆ بكەن لە عێراقدا.













باسنيوز