هێڵی ئاسمانیی فه‌ڕه‌نسی گه‌شته‌كانی بۆ عێراق و ئێران ڕاگرت
به‌پێی هه‌واڵێكی ئاژانسی فڕانس پرێس، هێڵی ئاسمانیی فه‌ڕه‌نسی بڕیای هه‌ڵپه‌ساردنی گه‌شته ئاسمانییه‌كانی بۆ عێراق و ئێران دوابه‌دوای ئاڵوزبوونی بارودۆخی ناوچه‌كه و هێرشی مووشه‌كی ئێران بۆ سه‌ر هێزه ئه‌مریكییه‌كان له عێراق داوه.
پێشتریش هێڵی ئاسمانی چه‌ند وڵاتێكی دیكه بڕیارێكی هاوشێوه‌یان ده‌ركردووه لەوانە ئیمارات.
ده‌سه‌ڵاتی فڕۆكه‌وانی مه‌ده‌نیی حكوومه‌تی فیدڕاڵی ئه‌مریكاش بڕیارێكی ده‌ركردووه كه تێیدا فه‌رمان به سه‌رجه‌م فڕۆكه‌كانی ده‌كات به هیچ شێوه‌یه‌ك ئاسمانی ئێران و كه‌نداو به‌كار نه‌هێنن بۆ گه‌شته‌كانیان.
باسنيوز
