وتەبێژی ھاوپەیمانی دژ بە داعش رایگەیاند کە بە فرۆکەی ئاپاچی باڵوێزخانەی ئەمریکا لە بەغدا دەپارێزرێت.

وتەبێژی ھاوپەیمانی دژ بە داعش لە پێگەی فەرمی خۆی لە تۆری کۆمەڵایەتیی (تویتەر) رایگەیاندووە: "ھەلیکۆپتەری ئاپاچی باڵوێزخانەی ئەمریکا لە بەغدا دەپارێزێت، ھەنگاوی پێویستمان ناوە بۆ پاراستنی ھێزەکانمان و سەلامەتی ھاووڵاتییە ئەمریکییەکان".

ئەوەشی خستووەتە روو، "کە بۆ پاراستنی مافی خۆمان بۆ بەرگری کردن و ھێزی زیاتریش ڕەوانە دەکەین بۆ پاڵپشتیکردنی ستاف و کارمەندانی باڵوێزخانە".

ئەمرۆ سێشه‌ممه‌ 31/12/2019، لایه‌نگرانى حه‌شدى شه‌عبى هێرشیان كرده‌ سه‌ر باڵوێزخانه‌ى ئه‌مریكا له‌ به‌غدا، به‌پێى سه‌رچاوه‌كانى هه‌واڵ، خاڵێكی پشكنینی باڵوێزخانه‌کە له‌لایه‌ن لایانگرانی حه‌شدی شه‌عبییه‌وه‌ سووتێنراوه‌.

ئه‌و هێرشه‌ دواى ئه‌وه‌ دێت، کە شەوی یەکشەممە 29-12-2019، ژمارەیەک فڕۆکەی جەنگیی ئەمریکی پێنج بارەگای میلیشیای حزبوڵڵای حەشدی شه‌عبی بۆردومان کرد.













باسنيوز