دۆناڵد تره‌مپ داوا لە عێراق دەکات باڵوێزخانەی وڵاتەکەی بپارێزێت
ئه‌مڕۆ سێشه‌ممه 31/12/2019، دۆناڵد تره‌مپ له پێگه‌ى تایبه‌تیی خۆى، له تۆڕى كۆمه‌ڵایه‌تیی (تویته‌ر)، له تویتێكدا ده‌ڵێت: "ئێران كارمه‌ندێكی ئه‌مریكی كوشت و ژماره‌یه‌كی زۆریشی بریندار كرد، ئێمه به‌هێزه‌وه وه‌ڵاممان دانه‌وه و هه‌میشه‌ش ئاوا وه‌ڵام ده‌ده‌ینه‌وه".
سه‌رۆكى ئه‌مریكا هه‌روه‌ها گوتیشى: "ئێستا ئێران وا خه‌ریكی ڕێكخستنی هێرشێكه بۆ سه‌ر باڵوێزخانه‌ی ئه‌مریكا له عێراق، ده‌بێت ئێران به‌رپرسیاره‌تیی ته‌واو هه‌ڵبگرێت، ئێمه چاوه‌ڕێ ده‌كه‌ین عێراق بۆ پارێزگاریكردن له باڵوێزخانه‌كه‌مان هێز به‌كار بهێنێت و هه‌ر ئه‌و داوایه‌شمان پێ گه‌یاندوون".
هه‌ر ئه‌مڕۆ لایه‌نگرانى حه‌شدى شه‌عبى هێرشیان كرده سه‌ر باڵوێزخانه‌ى ئه‌مریكا له به‌غدا، له هێرشه‌كه‌دا خاڵێكی پشكنینی باڵوێزخانه‌ی ئه‌مریكا له‌لایه‌ن لایانگرانی حه‌شدی شه‌عبییه‌وه سووتێنرا.
باسنيوز
