بەگوێرەی ئامارەكان نزیکەی 500 کەس لە خۆپیشاندانەکانی عێراقدا کوژراون و زیاتر لە 22 هەزار کەسی دیكە برینداربوون.

کۆمسیۆنی باڵای مافەکانی مرۆڤ لە عێراق ئامارێکی دیکەی قوربانییانی خۆپیشاندانەکانی بڵاوکردەوە و لەمبارەیەوە، فازڵ غەڕاوی ئەندامی کۆمسیۆنەکە ئاشکرایکرد، 490 کەس لە خۆپیشاندانەکانی عێراق کوژراون، کە 33یان چالاکوان بوون.

ھەر بەپێی ئەو ئامارە، زیاتر لە 22 هەزار کەسیش برینداربوون، هاوکات 68 حاڵەتی رفاندن تۆمارکراوە و تا ئێستاش 57 خۆپیشاندەر رفێنراو بێسەروشوێنن، ئاماژەشی بە ئازادکردنی 12 خۆپیشاندەر کرد، لە کاتێکدا لە سەرەتای خۆپیشاندانەکانەوە تائێستا دوو هەزار 700 خۆپیشاندەر ئازاد کراون.









K24