ئێوارەی ئەمڕۆ سێشەممە پەرلەمانی عێراق مادەی 15ی پرۆژەی یاسای هەڵبژاردنەكانی پەسەند كرد، لە كاتێكدا پەرلەمانتارانی كورد هۆڵی كۆبوونەوەكەیان بەجێهێشتبوو، بە هۆی بوونی ناكۆكی لەسەر ناوەڕۆكی مادەكەی.

پێشتر چەند جارێك كۆبوونەوەی پەرلەمانی عێراق دواخرابوو بە هۆی هەردوو مادەی 15 و 16ی پرۆژە یاسای هەڵبژاردنەوە، چونكە ژمارەیەك پەرلەمانتاری كورد و سوننە ناڕەزاییان هەبوو لەسەر ناوەڕۆكەكەی، كە باس لە فرە بازنەیی دەنگدان دەكات.

بە گوێرەی ئەم مادەیە، لە پرۆسەی هەڵبژاردندا، هەر پارێزگایەك لە چەند بازنەیەكی جیاواز پێكدێت، لەمبارەیەشەوە وەزارەتی پلاندانانی عێراق زانیاری لەسەر ڕێژەی دانیشتوانی پارێزگاكان دەداتە كۆمسیۆن و خۆكاندیدكردنیش لەسەر ئاستی تاكە كەسی دەبێت.

جێی باسە دانیشتنەكەی ئەمڕۆی پەرلەمان لەلایەن حەسەن كەعبی جێگری سەرۆكی پەرلەمانی عێراقەوە سەرۆكایەتی كرا.














باسنيوز