پەرلەمانی عێراق درێژە بە کۆبوونەوەکان لەبارەی پرۆژەیاسای هەڵبژاردنی پەرلەمان، دەدات.

بریارە کاتژمێر 1ـی دوای نیوەڕۆی ئەمرۆ دووشەممە 23-12-2019، پەرلەمانی عێراق کۆ ببێتەوە.

لەو کۆبوونەوەیەدا، تاوتوێی ماددەکانی پرۆژەیاسای هەڵبژاردن دەکرێت، کە تا ئێستا 14 ماددەی پەسەند کراوە و بەهۆی ناکۆکیی لایەنە سیاسییەکان لەسەر ماددەکانی 15 و 16، هەفتەی رابردوو نەتوانرا دەنگ بە هەموو پرۆژەیاساکە بدرێت.

پرۆژەیاسای هەڵبژاردن لە 50 ماددە پێک دێت، کە لایەنە کوردییەکان کێشەیان لەسەر ماددەکانی 15 و 16ـی تایبەت بە بازنەی هەڵبژاردن و رێژەی دەنگەکان، هەیە.






باسنيوز