سێ تەقینەوەی بەهێز لە باشووری شاری بەغدای پایتەختی عێراق روویان دا، کە میلیشیاکانیان کردبووە ئامانج.

تەقینەوەکان بەرەبەیانی ئەمڕۆ سێشەممە 10-12-2019 یەک بە دوای یەک لە شاری عیمارەی سەنتەری پارێزگای میسان لە باشووری بەغدا، روویان داوە.

بەپێی هەواڵی میدیا عێراقییەکان، تەقینەوەکان لەڕێی بۆمبی چێندراوەوە روویان داوە و جگە لە زیانی ماددی، هیچ زیانی گیانییان لێ نەکەوتووەتەوە.

تەقینەوەکان سێ شوێنیان کردووەتە ئامانج، کە بریتین لە:

- کۆمەڵگەیەکی پزیشکیی سەر بە میلیشیای عەسایب ئەهلی حەق

- ماڵی ئەندازیار مستەفا مەحمەداوی، بەڕێوەبەری بانکی کشتوکاڵی.

- ماڵی عەمار کشیش ئەللامی، سەرکردەی میلیشیای ئەنساروڵڵای ئەوفیا.









باسنیوز