وادەی لێپرسینەوە لە وەزیری نەوت دیارکرا و سەرۆکایەتیی پەرلەمانی عێراقیش بڕیاریداوە رۆژی پێنجشەممە لێپرسینەوەی لەگەڵ بکات.

لەسەر داوای یوسف عەلوان کیلابی، ئەندامی پەرلەمانی عێراق و رەزامەندی زیاتر لە 25 پەرلەمانتار، پەرلەمانی عێراق نووسراوێکی فەرمی ئاراستەی سامر غەزبان، وەزیری نەوتی عێراق کردووە و تێیدا ئاماژە بەوەکراوە، سەرۆکایەتیی پەرلەمانی عێراق بڕیاریداوە رۆژی پێنجشەممە 12/12/2019 لێپرسینەوە لەگەڵ وەزیری نەوت بکرێت.

نووسراوەکە ئەمڕۆ یەکشەممە دەرچووە و واژۆی سیروان سیرینی، ئەمینداری گشتی ئەنجوومەنی نوێنەرانی عێراقی لەسەرە.

سەرچاوەیەک لە سەرۆکایەتیی پەرلەمانی عێراق راستی نووسراوەکەی پشتڕاستکردەوە.