هاووڵاتییانی شاری بەغدای پایتەختی عێراق بە خۆپیشاندان دژی حکوومەت، بەرەو گۆڕەپانی تەحریر لە شرەکەیان دەچن.

میدیا عێراقییەکان ئاماژەیان بەوە کردووە، کە ئەمڕۆ پێنجشەممە 5-12-2019، ژمارەیەکی زۆری هاووڵاتییانی بەغدا روویان لە گۆڕەپانی تەحریر کردووە و شێخ و پیاوماقوڵانی عەشیرەتەکانیش لە گۆڕەپانەکە ئامادەن.

خۆپیشاندەران لە ناوچەکانی حەبیبە، شەعب و شەقامی فەلەستین بە خۆپیشاندان روویان لە گۆڕەپانی تەحریر کردووە بۆ پاڵپشتیی ئەو خۆپیشاندەرانەی لەوێن.

خۆپیشاندانەکان لە رۆژی 2-10-2019ـەوە لە بەغدا و زۆربەی شارەکانی عێراق دژی گەندەڵی و نەبوونی خزمەتگوزاری، دەستیان پێ کرد.

بەهۆی خۆپیشاندانەکان و کەوتنەوەی توندوتیژی تێیاندا، زیاتر لە 400 هاووڵاتی و کارمەندی ئەمنی گیانیان لەدەست داوە و زیاتر لە 16 هەزاری دیکەش بریندار بوون، جگە لە کەمئەندامبوونی 700 کەس و ژمارەکانیش بەردەوام لە بەرزبوونەوە دان.





باسنیوز