پەرلەمانی عێراق لە دانیشتنێکی نائاساییدا، بڕیاری لەبارەی دەست لەکار کێشانەوەی سەرۆک وەزیرانی عێراق دا.

ئەمڕۆ یەکشەممە 1-12-2019، پەرلەمانی عێراق دانیشتنێکی نائاسایی لەبارەی نامەی دەست لەکار کێشانەوەی عادل عەبدولمەهدی، سەرۆک وەزیرانی عێراق، ساز کرد.

لە دانیشتنەکەدا، 241 پەرلەمانتار ئامادە بوون و بەمشێوەیەش دەست لەکار کێشانەوەکە قبوڵ کرا.

بەپێی زانیارییەکان بەپێی مادەی 75ی دەستووری عێراق، نامەی دەست لەکارکێشانەوەی سەرۆک وەزیران قەبووڵ کراوە و بەپێی مادەی 76یش داوا لە سەرۆک کۆمار کراوە کە کەسێکی دیکە لە جێگەی عادل عەبدولمهەدی بە پەرلەمان بناسێنێت.

رۆژی 29-11-2019، عادل عەبدولمەهدی دوای وتاری هەینی نوێنەری ئایەتوڵڵا عەلی سیستانی، مەرجەعی باڵای شیعەکانی عێراق، نامەی دەست لەکار کێشانەوەی خۆی لە پۆستی سەرۆک وەزیرانی عێراق، بڵاو کردەوە.















باسنيوز