حەیدەر عەبادی، سەرۆکی هاوپەیمانی نەسر ئیدانەی سەردانەکەی مایک پێنس، جێگری سەرۆکی ئەمریکا بۆ عێراق دەکات و دەڵێت: بەغدا پایتەختی عێراقە نەک هەولێر.

ئەمڕۆ شەممە 23-11-2019 مایک پێنس، جێگری سەرۆکی ئەمریکا بە سەردانێکی چاوەڕواننەکراو لە بنکەی سەربازی ئەسەد لە پارێزگای ئەنبار نیشتەوەو چاوی بە فەرماندە سەربازییەکانی ئەمریکا کەوت. بەڵام لەگەڵ هیچ کام لە سەرکردەکانی عێراق کۆنەبووەوە.

دواتر مایک پێنس، جێگری سەرۆکی ئەمریکا سەردانی هەولێری كرد و لەلایەن نێچیرڤان بارزانی سەرۆكی هەرێمی كوردستان پێشوازی لێكرا.