بەهۆی بەکارهێنانی توندوتیژی لەلایەن هێزە ئەمنییەکانەوە، 700 خۆپیشاندەری عێراقی کەمئەندام بوون.

ماڵپەڕی (ئەلعەرەبی جەدید) لە راپۆرتێکدا بە پشت بەستن بە سەرچاوە تەندروستییەکان، بڵاوی کردووەتەوە، کە تا ئێستا زیاتر لە 16 هەزار خۆپیشاندەر بە گازی فرمێسکڕێژ و گوللەی سەرباز و کارمەندانی سوپا و هێزە ئەمنییەکان، بریندار بوون.

لەو 16 هەزار بریندارە، هەروەک ماڵپەڕەکە بڵاوی کردووەتەوە، 700 کەسیان بە جۆرێک لە جۆرەکان کەمئەندام بوون.

خۆپیشاندانەکان لە رۆژی 2-10-2019ـەوە لە بەغدا و زۆربەی شارەکانی عێراق دژی گەندەڵی و نەبوونی خزمەتگوزاری، دەستیان پێ کردووە.

بەهۆی خۆپیشاندانەکان و کەوتنەوەی توندوتیژی تێیاندا، زیاتر لە 300 هاووڵاتی و کارمەندی ئەمنی گیانیان لەدەست داوە و زیاتر لە 16 هەزاری دیکەش بریندار بوون.













باسنيوز