سەرۆکایەتی وەزیرانی عێراق لە دوا کۆبوونەوەی هەفتانەیدا چەندین بڕیاریدا، لە نێویاندا دابینکردنی 12 ملیار دیناری بۆ دەزگای ئاسایشی نیشتمانی تەرخانکرد.

هاوکات سەرۆکایەتی وەزیران ئەنجوومەنی وزاری بۆ خزمەتگوزاری کۆمەڵایەتی راسپارد، کە رێنمایی تایبەت دەربکات بۆ پڕکردنەوەی پۆستە بەتاڵەکان، و بە مەرجی دامەزراندنی کەسانی پسپۆڕ، هەروەھا دابینی کردنی پلەی فەرمانبەران و دابینکردنی دارایی بۆ کۆمپانیاکانی پارەدارکردنی کارمەندانی کۆمپانیا تایبەتەکانی سەر بە وەزارەتی پەیوەندەییەکان.

سەبارەت بە وزەش، ئەنجوومەنی وەزیرانی عێراق رەزامەندی دەربڕی بە پێدانی قەرز بە گوژمەی 11 ملیۆن و 913 هەزار دۆلار بە وەزارەتی کارەبا، بۆ دابینکردنی کەلوپەلی پێویست بۆ وێستگەی کارەبای سەماوە و زیقار.






K24