داوای راگرتنی كاره‌كانی لێژنه‌ی هه‌مواری ده‌ستوور ده‌كرێت
سمكۆ ئه‌سعه‌د یه‌كێكه له‌و 20 پارێزه‌ره‌ی شاری سلێمانی كه راگه‌یه‌ندراوه‌كه‌یان بڵاوكردووه‌ته‌وه، جه‌خت ده‌كاته‌وه، بۆیه داوای راگرتنی كاره‌كانی لێژنه‌ی هه‌مواركردنه‌وه‌ی ده‌ستوور ده‌كه‌ن، چونکە پێکھێنانی ئەو لێژنەیەو لەم کاتەدا و بەو پێکھاتەیەی ئێستاوه کارێکی نادەستووریە.
له‌كاتێكیشدا ئه‌و پارێزه‌رانه سکاڵایان لە دادگای باڵای فیدراڵی تۆمار کردووە، به‌سام عه‌لی، به‌رپرسی لقی 12ی پارتی دیموكراتی كوردستان جه‌خت ده‌كاته‌وه، پێکھێنانی ئەو لێژنەیە بۆ ھەموارکردنەوەی دەستوور لەرووی دەستوریەوە یاساییە، بەڵام پێویسته کورد بە وریاییەوە مامەلە له‌گه‌ڵ ئه‌و پرسه بكات.
پێكهێنانی لێژنه‌كه ھاوکاتە لەگەل فراوانتربوونی خۆپیشاندانەکانی عێراق، بەگوێرەی دواین ئاماریش، ژمارەی کوژراوان لە ریزی خۆپیشاندەران، بۆ زیاتر له ٣٠٠ کەس بەرزبووەتەوە.
