فەرماندەیی ئۆپەراسیۆنەکانی نەینەوای سوپای عێراق روونکردنەوە لەبارەی هێرشکردنە سەر بنکەیەکی سەربازیی ئەمریکی، دەدات.

درەنگانی شەوی هەینی 8-11-2019، گرووپە تیرۆریستییەکان بە 17 مووشەک، بنکەی سەربازیی سوپای ئەمریکایان لە بنکەی سەربازیی گەیارە لە باشووری مووسڵ، کردە ئامانج.

ئەمڕۆ شەممە 9-11-2019، لیوا نەومان زەوبەعی، فەرماندەی فەرماندەیی ئۆپەراسیۆنەکانی نەینەوا لە بەیاننامەیەکدا رایگەیاندووە، هێزەکانیان توانیویانە سێ ئۆتۆمبێلی تیرۆریستان تێک بشکێنن، جگە لە کوشتنی سێ تیرۆریست و لەناوبردنی سەکۆ مووشەکییەکانیان.

بەهۆی ناکارایی هێزە ئەمنی و سەربازییەکانی عێراق، دەیان گرووپ و میلیشیای تیرۆریستی، توندڕەو و تاوانکاری لە شارەکانی عێراق دروست بوون، کە بەپێی بەرژەوەندیی خۆیان، هاووڵاتییانی عێراق و هێزەکانی هاوپەیمانان، دەکەنە ئامانج.













باسنيوز