یەکێتیی نێودەوڵەتیی تۆپی پێ (فیفا) بڕیارێکی توند دژی عێراق دەدات.

بەپێی هەواڵی میدیا عێراقییەکان، بەرەبەیانی ئەمڕۆ چوارشەممە 6-11-2019، فیفا پەیامێکی بۆ یەکێتیی تۆپی پێی عێراقی ناردووە.

لە پەیامەکەیدا، فیفا رایگەیاندووە، یارییەکانی هەڵبژاردەی تۆپی پێی عێراقی لە چوارچێوەی پاڵاوتنی جامی جیهانی، لەسەر خاکی وڵاتەکەی ئەنجام نادرێن و پێویستە یەکێتیی تۆپی پێی عێراقی وڵاتێکی دیکە دیاری بکا بۆ ئەنجامدانی یارییەکان.

بڕیاری ئەنجام نەدانی یارییە نێودەوڵەتییەکانی هەڵبژاردەی تۆپی پێی عێراقی بەهۆی ئاڵۆزبوونی زیاتری رەوشی عێراق بەهۆی خۆپیشاندانەکانەوە، دراوە.

لە رۆژی 2-10-2019ـەوە، هاووڵاتییانی عێراق لە بەغدا و زۆربەی شارەکانی ئەو وڵاتە دەستیان بە خۆپیشاندان دژی گەندەڵی و نەبوونی خزمەتگوزاری کردووە.




باسنيوز