عەشیرەتەکانی پارێزگای کەربەلا ماوەی 72 کاتژمێر مۆڵەت بە حکوومەتی عێراق دەدەن و دواتر کاردانەوەی توندیان دەبێت.

شەوی دووشەممە 4-11-2019، ئەنجومەنی عەشیرەتەکانی کەربەلا داوای لە حکوومەت و هێزە ئەمنییە عێراقییەکان کرد گەنجانی خۆپیشاندەری شارەکە، ئازاد بکەن.

ئەنجومەنەکە هۆشداریی داوەتە حکوومەتی عێراق، کە ئەگەر ئەو خۆپیشاندەرانە لە ماوەی 72 کاتژمێر ئازاد نەکرێن، ئەوا عەشیرەتەکان کاردانەوەی توندیان دەبێت.

دەیان خۆپیشاندەری کەربەلا دوای هەڵکردنی ئاڵای عێراق لەسەر دیوارەکانی کونسوڵخانەی ئێران لە شارەکەیان و هوتافکێشان دژی هەژموونی ئەو وڵاتە لە عێراق، دەستگیر کران.

لە رۆژی 2-10-2019ـەوە، هاووڵاتییانی عێراق لە بەغدا و زۆربەی شارەکانی ئەو وڵاتە دەستیان بە خۆپیشاندان دژی گەندەڵی و نەبوونی خزمەتگوزاری کردووە.





باسنيوز