بڕیارە ئەمڕۆ سێشەممە ئەنجومەنی نوێنەرانی عێراق کۆ ببێتەوە و درێژە بە کۆبوونەوەکانی دوێنێی بدات.

ناوەرۆکی کۆبوونەوەی ئەمڕۆی ئەنجومەنی نوێنەرانی عێراق لەسەر دەنگدانە لەسەر چەند بابەتێکی پەیوەست بە جێبەجێکردنی چاکسازییە گشتییەکان و داواکارییەکانی خۆپیشاندەران.

لەمبارەوە بەشیر حەداد، جێگری سه‌رۆكی په‌رله‌مانی عێراق بە کەناڵی (کوردستان24)ی راگەیاندووە: "لە کۆبوونەوەی دوێنێدا په‌رله‌مان بۆ هێوركردنه‌وه‌ی شه‌قام و جێبه‌جێكردنی داواكاری خۆپیشانده‌ران، چه‌ند بڕیارێكی ده‌ركرد".

گوتیشی: "یه‌كێك له‌ بڕیاره‌كان به‌ گوێره‌ی مادده‌ی 142ی ده‌ستووری عێراق، لیژنه‌یه‌ك بۆ هه‌مواركردنه‌وه‌ی ده‌ستوور پێكهاتووه‌، كه‌ سێ له‌ ئه‌ندامه‌كانی كورد ده‌بن".

بڕیارە ئەو لیژنەیە چاو بە دەستووردا بخشێننەوە و ئەوەی پێویست بە هەموارکردنەوە بکات، بڕیاری لەسەر بدرێت و پاش ڕاپرسیی گەلانی عێراق جێبەجێ دەکرێت، بەڵام ئەگەر دوو لەسەر سێی دانیشتوانی سێ پارێزگا دەنگی پێ نەدەن هەموارکردنەوەی دەستوور جێبەجێ ناکرێت.





باسنيوز