لیستێكی 60 کەسی بۆ دانانی به‌ڕێوه‌به‌رە گشتییه‌كان لەلایەن ئەنجومەنی وەزیرانی حکوومەتی عێراقەوە ره‌ت كراوه‌ و په‌رله‌مانتارێكیش هۆكاره‌كه‌ی ده‌خاته ‌ڕوو.

به‌مه‌به‌ستی پركردنه‌وه‌ی 60 به‌رێوه‌به‌ری گشتی له‌ حكوومه‌تی عێراق، هێز و لایه‌نه‌ سیاسییه‌كان ناوی پاڵێوراوه‌كانیان ره‌وانه‌ی ئه‌نجومه‌نی وه‌زیران عێراق كردووه، بەڵام ڕەت کراونەتەوە.

لەمبارەوە د. میاده‌ محه‌مه‌د، په‌رله‌مانتاری پارتی له‌ ئه‌نجومه‌نی نوێنه‌رانی عێراق ڕايگەیاند: "به‌ڵێ ئه‌و لیسته‌یە ره‌ت كرایه‌وه‌، چونكه‌ باس له‌وه‌ كراوه‌ سه‌رجه‌م ناوه‌كان حزبی بوون و عێراقیش پێویستی به‌ كه‌سی سه‌ربه‌خۆیه‌".

ئه‌وه‌شی خسته ‌ڕوو: "له‌ناو ئه‌و لیستهیەدا‌ ناوی كوردی تێدا نییه،‌ به‌ڵام سه‌رجه‌م پۆسته‌كانی كورد له‌به‌غدا وه‌رده‌گیرێنه‌وه‌ و چاوه‌ڕوانی تێپه‌راندنی ئه‌م دۆخه‌ی عێراق ده‌كه‌ین بۆ ئه‌وه‌ی له‌گه‌ڵ به‌غدا له‌و باره‌وه‌ بگه‌ینه‌ رێككه‌وتن".













باسنيوز