خۆپیشاندەرانی عێراق ژمارەیەک بارەگای میلیشیاکانی حەشدی شەعب دەسووتێنن.



محەمەد جەمیل ئەفسەرێکی پۆلیسی فریاکەوتنی زیقار بە ئاژانسی (ئەنادۆڵ)ی راگەیاندووە، درەنگانی شەوی شەممە 5-10-2019، خۆپیشاندەرانی شاری ناسرییەی سەنتەری پارێزگای زیقار بارەگای حزبی شیوعیی عێراق و لایەنە شیعییەکانی فەزیڵە، حزبی دەعوە و رەوتی حیکمە و نووسینگەی خالید ئەسەدیی پەرلەمانتاری حزبی دەحوەیان سووتاندووە.

ئەو ئەفسەرە عێراقییە هەروەها رایگەیاندووە، جگە لە بارەگای حزبەکان، خۆپیشاندەراب بارەگای میلیشیاکانی بەدر، عەساایب ئەهلی حەق و سەڕایا خوڕاسانییان لە ناسریە، سووتاندووە.

هەڵمەتی سووتاندنی بارەگاکان لەلایەن خۆپیشاندەرانەوە، کەناڵی تەلەڤزیۆنیی (ئەهوار)یشی گرتەوە.

لە رۆژی 1-10-2019، خۆپیشاندانی هاووڵاتییان لە بەغدا و شارەکانی دیکەی عێراق دەستی پێ کرد، کە داوای چاکسازی و نەهێشتنی گەندەڵی و بێکارییان دەکرد.







باسنیوز