رێكخراوی لێبوردنی نێوده‌وڵه‌تی(ئه‌منیستی ئینته‌رناشناڵ) داوای لە حکومەتی عێراق كرد، جڵەوی ھێزە ئەمنیەکانی بگرێتە دەست و رێگە لە خۆپیشاندان و ئازادیی رادەربڕین لە وڵاتەکەی نەگرێت.

رێکخراوی لێبوردنی نێودەوڵەتی لە بارەی خۆپیشاندانەکانی عێراقەوە رایگەیاند، پێویستە حکومەت لێکۆڵینەوەی ورد له‌ باره‌ی خۆپیشاندانه‌كانه‌وه‌ بكات.

ھەروەھا گوتی: دیاردەیەکی زۆر ناشیرین و بێزارکەرە کە ھەمووکات ھێزە عێراقیەکان وەڵامی خۆپیشاندەران بە زەبر و توندوتیژی دەدەنەوە.

رێکخراوی لێبوردنی نێودەوڵەتی داواشی لە حکومەتی عێراق كرد، خزمەتەگوزاریی ئینتەرنێت کە چەند رۆژێکە رایگرتووە بگەڕێنێتەوە و قەدەغەی ھاتووچۆش ھەڵگرێت، چونکە خەڵکی بەھۆی نەبوونی کار و خزمەتگوزاری و گەندەڵییەوە رژاونەتە سەر شەقامەکان.