موه‌فه‌ق روبه‌یعی، راوێژكاری پێشووی ئاسایشی نه‌ته‌وه‌یی عێراق له‌ له‌نده‌ن تووشی رووداوێكی هاتوچۆ بووه‌ و ئۆتۆمبێلێك خۆی پێدا ده‌كێشاوه‌. ده‌سه‌ڵاتدارانی بریتانیاش تا ئێستا لێكۆڵینه‌وه‌ له‌ هۆكاری رووداوه‌كه‌ ده‌كه‌ن.

روبه‌یعی ته‌مه‌ن 71 ده‌ڵێت: "به‌هۆی رووداوه‌كه‌وه‌ چه‌ند شوێنێكی جه‌سته‌م شكاوه‌، 8 په‌راسووی لای راستی سینگم شكاوه‌ و لای چه‌پیشم ئازاری زۆره‌ و كوتراوه‌".

هه‌روه‌ها گوتوویه‌تی: "تیمی پزیشكی توانیوویانه‌ خوێنێ نیوه‌ی لای راستی سینگم پاككه‌نه‌وه‌ و سی لای راستم 95% باش بووه‌ و كارده‌كاته‌وه‌، له‌ كاتێكدا به‌هۆی رووداوه‌كه‌وه‌ له‌ كاركه‌وتبوو، ئێستا پزیشكه‌كان سه‌رنجیان خستووه‌ته‌ سه‌ر كێشه‌ گه‌وره‌كه‌ و ده‌یانه‌وێت كۆنترۆڵی ئه‌و ئازاره‌ تونده‌ بكه‌ن كه‌ ناو به‌ناو جه‌سته‌م داده‌گرێت".

روبه‌یعی گوتوویه‌تی: "مه‌ترسی سه‌ر ژیانم تێپه‌ڕیوه‌، ئێستا به‌ته‌واوه‌تی هۆشم بۆ گه‌ڕاوه‌ته‌وه‌ و پشت به‌خوا و به‌ نزای دڵسۆزان چاك ده‌بمه‌وه‌".



موه‌فه‌ق روبه‌یعی یه‌كه‌م كه‌س بوو دوای رووخاندنی رژێمی سه‌ددام حسێن پۆستی راوێژكاری ئاسایشی نه‌ته‌وه‌یی عێراقی وه‌رگرت، پێش چه‌ند ساڵێكیش گووتی: "هێشتا ئه‌و حه‌بله‌ی لای خۆی پاراستووه‌ كه‌ سه‌دام حسێنی پێ له‌ سێداره‌درا.

روبه‌یعی خۆشحاڵی خۆی ده‌ربڕیبوو به‌ دووركه‌وتنه‌وه‌ی له‌ مه‌یدانی سیاسی عێراق و گووتی: "ململانێی نێوان كوتله‌ سیاسییه‌كانی عێراق به‌تایبه‌تی ئه‌وانه‌ی مه‌زهه‌بین زیان به‌ پرۆسه‌ی سیاسی عێراق ده‌گه‌یه‌نن، چونكه‌ هه‌ندێك له‌ سیاسییه‌كان به‌ زمانی توندوتیژی قسه‌ ده‌كه‌ن و ده‌یانه‌وێت به‌ رێگای هێز بگه‌نه‌ ئامانجه‌ سیاسییه‌كانیان.






K24 - هه