سەرۆک وەزیرانی عێراق بەغدای پایتەختی وڵاتەکەی بەجێ هێشت و رووی لە وڵاتێکی عەرەبیی کەنداو کرد.

نووسینگەی عادل عەبدولمەهدی، سەرۆک وەزیرانی عێراق رایگەیاندووە، سەرلەبەیانیی ئەمڕۆ چوارشەممە 25-9-2019، عەبدولمەهدی بە سەردانێکی فەرمی، بەرەو شانشینی عەرەبستانی سعودیە بەڕێ کەوت.

سەردانی عادل عەبدولمەهدی بۆ سعودیە دوای رۆژێک لە گەڕانەوەیەتی لە کۆماری میللی چین، کە بە سەرۆکایەتیی شاندێکی باڵای عێراق و هەرێمی کوردستان، لەو وڵاتە بوو.

سەرلەبەیانیی رۆژی سێشەممە 24-9-2019، سەرۆک وەزیرانی عێراق و شاندە یاوەرەکەی، لەڕێی فڕۆکەخانەی نێودەوڵەتیی بەغداوە، لە چینەوە گەیشتنەوە عێراق.

رۆژی پێنجشەممە 19-9-2019، عادل عەبدولمەهدی، سەرۆک وەزیرانی عێراق بە سەرۆکایەتیی شاندێکی باڵای عێراق و هەرێمی کوردستان، گەیشتە چین.

شاندەکە سێ بەرپرسی کورد لە حکوومەتی عێراق و سێ پارێزگاری هەرێمی کوردستانیش لەخۆ گرتبوو، کە بریتی بوون لە؛

- فوئاد حوسێن، جێگری سەرۆک وەزیران بۆ کاروباری ئابووری و وەزیری دارایی عێراق

- بەنگین رێکانی، وەزیری ئاوەدانکردەنەوەی عێراق

- ئەحمەد بەرواری، باڵیۆزی عێراق لە چین

- فرسەت سۆفی، پارێزگاری هەولێر

- هەوڤاڵ ئەبوبەکر، پارێزگاری سلێمانی

- فەرهاد ئەتروشی، پارێزگاری دهۆک






باسنيوز