سەرۆک وەزیرانی عێراق بڕیارێک لەبارەی رێکخستنەوەی میلیشیاکانی حەشدی شەعبی، دەدات.

بەپێی نووسراوێک، کە ئەمڕۆ یەکشەممە 21-9-2019 لە میدیا عێراقییەکان بڵاو بووەتەوە، عادل عەبدولمەهدی، فەرماندەی گشتیی هێزە چەکدارەکان و سەرۆک وەزیرانی عێراق سێ بڕیاری لەبارەی حەشدی شەعبی و رێکخستنەوەی، داوە.

بڕیارەکانی عادل عەبدولمەهدی:

- رەزامەندیدان لەسەر رێکخستنەوە و پەیکەربەندیی نوێی ئەو میلیشیایانە.

- هەڵوەشاندنەوەی هەموو ئەو ناونیشان و پۆستانەی پێچەوانەی رێکخستنی نوێی حەشدی شەعبین.

- دانی دەسەڵات بە سەرۆکی دەستەی حەشدی شەعبی بۆ دامەزراندنی بەڕێوەبەرەکانی میلیشیاکەی بە وەکالەت بە رەزامەندیی سەرۆک وەزیران.

دوای هەرەسهێنانی سوپای عێراق، زیاتر لە 60 میلیشیا تائیفی لەژێر ناوی حەشدی شەعبی و بە فەتوای ئایەتوڵڵا عەلی سیستانی، مەرجەعی باڵای شیعەکانی عێراق دروست کران.

لە مانگی 6ـی 2014، نزیکەی دوو هەزار چەکداری رێکخراوی تیرۆریستی داعش هێرشیان کردە سەر شاری مووسڵ و لە ماوەی چەند رۆژێکدا، هەرەسیان بە سوپای عێراق هێنا و زۆربەی ناوچەکانی پارێزگاکانی نەینەوا، دیالە، سەڵاحەدین و ئەنباریان داگیر کرد.








باسنیوز